DESPIDIÉNDOSE DE L'ASCENSIÓN

Dempués de tres díes d'intensa actividá, concluyimos la nuesa estancia na Llosa d'Uviéu mientres la Feria de La Acensión 2012.

La nuesa esposición y amuesa artesanal “Alcordanza: El Traxe Tradicional n’Asturies” goció mientres estos trés díes, de la presencia de de miles de persones que visitaron les instalaciones de la carpa habilitada pol Conceyu d'Uviéu.

A lo llargo de too la fin de selmana pudo esfrutase de la esposición de vestimienta tradicional ambientada  con música, videos y material gráficu de los trabayos divulgativos de la nuesa agrupación. Per otru llau los visitantes pudieron esfrutar d'amueses en vivu de filáu de llana, tintes naturales, trabayos en telar d'altu lizo, cestería y fabricación de madreñes. Los más pequenos pudieron prestase nos talleres de recortables de ropa y trabayando nos pequenos telares de mano.

Nun faltó la música, el baille y les  costumes populares. Les actuaciones de Marisa Valle Roso, Pablo Carrera, los alumnos de la Escuela de Música Tradicional Reija y los  monólogos de Veníu Braga “El Mundial” de La Felguera, qu'a les sos más d'ochenta años cautivó les sorrises de los presentes, amenizaron les hores de feria. Les xentes de Reija interpretaron mientres toles xornaes numberosos bailles a la manera tradicional.  

REIJA EN L'ASCENSIÓN 2012

El 18, 19 y 20 de mayu va celebrase n'Uviéu la Feria de L'Ascensión. Mientres esos trés díes, La Llosa sobre la estación de RENFE, va acoyer de nuevu, unu de los certames de cultura asturiana de mayor raigón.

Nes distintes carpes podrá esfrutase de distintos aspeutos de la cultura, música y tradición d'Asturies, y l'Agrupación Reija de Llangréu, va volver tres unos años d'ausencia a tar presente cola so amuesa “ALCORDANZA: EL TRAXE TRADICIONAL N’ASTURIES”.

El gran fenómenu de la revolución industrial del sieglu XIX y la primer metá del sieglu XX causa n'Asturies un enorme cambéu de vida tantu no económico, como no social y cultural. Les maneres de vistir tradicionales entren a la nueva dómina y amodo fueron sumiendose.

Por esi motivu “L’Agrupación d’Etnografía y Folclor Reija de Llangréu” ufierta nesta esposición una pequena repasada poles maneres de vistir de les nueses xentes hasta la entrada del sieglu XX.

Na amuesa estremamos los distintos tipos del vistir conforme al usu y posición social. Asina cuntamos con traxes de fiesta, de diariu, de ceremonia, del monte y dexando tamién un apartáu pa la indumentaria de transición ente l'usu tradicional y les nueves modes. Trátase de reconstrucciones fieles realizaes con materiales orixinales o d'idéntica factura qu'estos.

Acompañamos la mesma con amueses de tinte tradicional y artesanía en vivu, música, bailles tradicionales, y talleres pa los más pequenos.

DESPIDÍMONOS DE TOLO D’ASTURIES 2012

Un añu más ponemos fin a l’amuesa TOLO D’ASTURIES. 

L’Agrupación Reija participó de forma activa a lo llargo de la mesma. Amás de ofrecer el so repertoriu de bailles y presentar la so esposición sobre indumentaria, ALCORDANZA: EL TRAXE TRADICIONAL N’ASTURIES, dalgunu de los alumnos de la Escuela de Música Tradicional de l’Agrupación, pudo amosar al públicu presente la so evolución na interpretación de pieces musicales populares.

L'arribación de públicu a lo llargo de la fin de selmana y les visites a la parte espositiva fueron totalmente satisfactories.

Dende l’Agrupación Reija queremos estimar a tolos asistentes, lo mesmo que a los participantes nes amueses y a los collaboradores, la so presencia nel eventu.

TOLO D'ASTURIES 2012

Un añu más, nel  Recintu Ferial Estación d'Autobuses de Llangréu, los días 5 y 6 de mayu, va celebrase en La Felguera, la feria “Tolo d’Asturies”, qu'anguaño llega a la so sesta edición.

La cultura y música tradicional d'Asturies van ser una vegada más les protagonistes absolutes.

L’Agrupación Reija participara na organización de la mesma amás de presentar la so esposición “Alcordanza: El Traxe Tradicional n’Asturies” y l'amuesa la so “Escuela de Música Tradicional”.

De siguío puede consultase el programa de la mesma, convidando a toos a participar de los actos ufiertaos.

Sábadu 5 mayu

12:00 hores     APERTURA MUESTRA CULTURAL TOLO D’ASTURIES

12:00 hores     BANDA GAITES CONCEYU LLANGRÉU

13:00 hores     GRAN SESIÓN VERMÚ D’ASTURIANADA

                        (Emisión pela TPA nel programa Sones)

18:00 hores     MUESTRA DEPORTE TRADICIONAL

22:00 hores     Conciertu

LLARIEGU 100% DIRECTO

ASINA SUENA LLANGRÉU (DUERNA + MARISA VALLE ROSO + BANDA GAITES CONCEYU LLANGRÉU + ARTISTES CONVIDAOS)

SPANTA LA XENTE

Tol día:            Esposición Vistimienta Tradicional Asociación d’Etnografía y Folclor Reija de Llangréu

Folixa y animación pa toos y toes con grupos de baille y música tradicional

Talleres pa neñes y neños

Domingu 6 mayu

12:30 hores     MUESTRA DEPORTE TRADICIONAL

13:15 hores     BANDA MÚSICA CONCEYU LLANGRÉU

17:00 hores     MUESTRA CORAL DE LLANGRÉU

18:30 hores     ESPECTÁCULU (HERBAMORA + ESCUELA MÚSICA TRADICIONAL REIJA DE LLANGRÉU)

20:30 hores     CLAUSURA

Tol día:            Esposición Vistimienta Tradicional Asociación d’Etnografía y Folclor Reija de Llangréu

Folixa y animación pa toos y toes con grupos de baille y música tradicional

Talleres pa neñes y neños 

VOLVIENDO DE CIUDAD RODRIGO

Ciudad Rodrigo recibió con calor la participación de l’Agrupación Reija de Llangréu nel Festival de Folclor de la XXXIII edición de La Fiesta de La Charrada.

Compartimos escenariu con grupos de la comarca, faciendo una amuesa del folclor d’Asturies. Los asistentes participaron col grupu Reija nel baille popular que tolos grupos de folclor y los tamborileros y dulzaineros improvisamos nel centru de la Plaza Mayor al final de la fiesta.

Agradecemos a la organización y a les xentes de Ciudad Rodrigo l'enfotu depositáu na nuesa participación.

Nel siguiente enllace alcontramos más información:

http://ciudadrodrigoaldia.es/2012/04/07/mucha-animacion-en-la-xxxiii-fiesta-de-la-charrada/

Foto: Mondrián (Salamanca)

XXXIII FIESTA DE LA CHARRADA EN CIUDAD RODRIGO - SALAMANCA

Esti fin de selmana del 7 y 8 d’abril cellébrase en Ciudad Rodrigo – Salamanca la “XXXIII FIESTA DE LA CHARRADA” onde el folclor y la música tradicional tienen un especial protagonismu. L’Agrupación Reija taremos participando nel FESTIVAL DE FOLCLOR y disfrutando de los festexos.

EL PROGRAMA DE LA MAÑANA

11:30 h. Tamborileros y dulzaineros de Ciudad Rodrigo y comarca.

13:00 h. Actuación en Plaza Mayor:

Tamborileros.
Grupu Infantil de la Asociación El Botón Charro de Miróbriga.
Grupu de ASPRODES.
Grupu del Centro de Día de Personas Mayores de Ciudad Rodrigo.
Dulzaineros: “Escuela de tamborileros de Macotera y Villamayor”
Grupu folclórico infantil “Jálama”. El Payo

EL PROGRAMA DE LA TARDE

18:00 h. Festival de Música Tradicional en la Plaza Mayor, de Grupos Folclóricos:

Grupu Nuñomoral
Grupu Sierra de Francia.
Asociación El Botón Charro de Miróbriga.

Entrega del Premiu Encina Charra a: D. NINO SÁNCHEZ.

Grupu Zona de la Huebra (Subcomarca del Campo Charro)
Grupu "el Fandangu" de Robleda
Agrupación d’Etnografía y Folclor REIJA de Llangréu - Asturies

20:00 h. Baille popular

EL CARBAYU 2011

Un añu más, celébrase'l 8 de setiembre la tradicional romería n'El Carbayu. Como vien siendo habitual, el grupu Reija va participar de forma activa na mesma. Nos últimos años, tres la participación, mientres la mañana, nos actos oficiales, l'agrupación Reija trata de faer participar a tolos romeros que así lo quieran, en bailles y dances tradicionales a lo llargo de la tarde. Por esi motivu vamos vistir de ropa de cai tres la comida campestre, baillando, tocando y cantando música popular con toos aquellos que quieran compartir una ratada con nós.

Axuntamos el programa de fiestes pa esti día:

10:00 h. Diana floriada

10:45h. Entrada motoristes "Los Leopardos del Asfalto".

11:15 h. Conciertu de bienvenida al cargu de la Banda de Música de Llangréu.

11:45 h. Bendición del Ramu, acompañada pela Banda de Gaites de Llangréu.

12:00 h. Misa cantada pol Coru Santiaguín.

12:30 h. Procesión de la Virxe, acompañada pol Grupu Reija, La Banda de Música y

la Banda de Gaites de Llangréu.

13:15 h. "Puya del Ramu" cola actuación del Grupu Reija de Llangréu.

13:30 h. Llectura del Pregón de D. Rafael Velasco Cadenes (Llangreanu d'Honor 2010) y nomamientu de Llangreanu d'Honor 2011, a Radio Llangréu-RTPA.

15:00 h. Comida campestre.

17:00 h. Misa n'honor de los socios finaos.

18:00 h. Actuación de Cholo Juvacho y “Danza Asturias”.

21:00 h. Segunda Gran Verbena coles Orquestes VIVIANS y ACORDES.

TRESPORTE GRATUITU, dende les 10:00 h. a les 24:00 h. a la Fiesta, patrocináu pol Ayuntamientu de Llangréu. Salida dende la Estación d'Autobuses de La Felguera con paraes en Sama (Plaza la Salve) y Ciañu (Torre La Quintana).

LLÁGRIMES NA DESPIDIDA

Tres una selmana d'intensa actividá nel FESTIVAL DE LA DANSE BRETONNE & DE LA SAINT-LOUP, el cielu de Gwengamp acompañó con llágrimes de lluvia la nuesa pena na despidida del llunes 22 d'agostu.

L'acoyida al nuesu grupu a lo llargo d'estos díes foi magnífica en tou momentu y el tratu qu'en tierres bretones dáse-y al nuesu folclore y cultura popular fíxonos comprobar qu'el nuesu llabor merez la pena.

Dende equí queremos estimar a Jean Pierre Ellien, y restu d'organizadores, l'enfotu depositáu na nuesa participación, a les nueses guíes Anne-Marine Revaud y Mathilde Painblanc el tratu recibíu y saludar a la Banda Gaites Conceyu de Llangréu, a la Camelon District Pipe Band d'Escocia y especialmente a l'agrupación Pana Raiada de Santiago de Compostela, polos bonos momentos de la nuesa convivencia.

TOOS CAMÍN DE GWENGAMP

L'Agrupación d'Etnografía y Folclor Reija y la Banda de Gaites de LLangréu participarán nel "FESTIVAL DE LA DANSE BRETONNE & DE LA SAINT-LOUP 2011 " del 13 al 21 d'agostu en Gwengamp (Bretaña Francesa).

Trátase de un festival prestosu y cargáu de tradición onde participarán dellos grupos y artistes del Arcu Atlánticu.

Más información del eventu en web: www.dansebretonne.com

DUERNA PRESENTA NUEVU DISCU

Esti domingu 24, El grupu de folk Duerna aprovechará les fiestes de Santiago pa presentar el so segundu discu "Manca la maera" nel Parque Dorado de Sama a les 00:30 de la nuechi.

Nesta presentacion van tar arrodiaos de dellos artistes

¡Nun vos lo podéis perder!

Amueses de Folklore n'Euskadi

Dempués del ésitu de la pasada actuación n'Euskadi'l pasáu mayu, cuando'l grupu participó nes xornaes de la Casa d'Asturies en Bilbao, esti fin de selmana pasáu, Reija volvió a viaxar a tierres vasques pa participar na XXV Folklore Erakustaldia de Sestao, que tuvo llugar los dies 24, 25 y 26 de Xunu. Un alcuentru nel que tamién participaron agrupaciones d'otros llugares como Galicia y Aragón.

Ensin dulda, una bona amuesa na que los bilbainos y visitantes na capital vizcaina pudieron esfrutar coles tradiciones típiques de cada zona.

V Amuesa Cultural Tolo d'Asturies 2011

La edición d'esti añu de Tolo d'Asturies, será los díes 7 y 8 de mayu de 2011, na estación d'autobuses de La Felguera.

Sábadu 7 de mayu
Recintu ferial de la estación d'autobuses.

12 h. Apertura amuesa cultural Tolo d'Asturies.
12 h. Banda Gaites Conceyu Llangréu.
13:30 h. Jerónimo Granda.
22 h. CONCIERTU
Hector Braga + N'Arba + Los Berrones

Tol día:
Mercáu tradicional d'artesanía y gastronomía.
Feria del discu y del llibru n'asturianu.
Folixa y baille toos y toes con bandines tradicionales.
Animación con grupos de baille y música tradicional.
Talleres pa neñes y neños (animación, xuegos, artesanía y deportes tradicionales).

Domingu 8 de mayu

13 h. Banda de música.
13:30 h. Asturianada
18 h. CONCIERTU homenaxe a la tradición en la Pandereta.
Pandereteres de Fitoria + Les Filanderes.
19:30 h. CONCIERTU
Xuacu Amieva.

Tol día:
Mercáu tradicional d'artesanía y gastronomía.
Feria del discu y del llibru n'asturianu.
Folixa y baille toos y toes con bandines tradicionales.
Animación con grupos de baille y música tradicional.
Talleres pa neñes y neños (animación, xuegos, artesanía y deportes tradicionales).

21 h. Clausura de la V Amuesa Cultural Tolo d'Asturies de Llangréu.

La Selmana de les Lletres, esti añu en Llangréu

“¿ Ye verdá qu ‘esistimos

como seres reales

d’un misteriu nacíos?

¿Nun será illusión fata

d’un óptimu espeyismu?

¿Soí quiciavis yo mesmu… ?”

Asina entama un de los poemes de Mánfer de la Llera, l'autor llangreanu qu’esti añu ye homenaxeáu na Selmana de les Lletres Asturianes, siendo asina'l centru d’un programa con delles actividaes que tendrán llugar nel Nuevu Teatru de La Felguera.

Como cada añu llega'l momentu de mirar pa la nuesa llingua y dedicá-y unos díes nos que reivindicar pa ella'l llugar que se merez, llonxe de la marxinalidá a la que paez tar abocada. Convidámosvos a participar nesta efeméride.

PROGRAMA

MARTES 3 DE MAYU

19:30 a 20:30 hores: Nuevu Teatru de La Felguera (Llangréu)

• Gala inaugural de la 32 Selmana de les Lletres Asturianes: poesía, música, teatru, n’homenaxe a Mánfer de la Llera.

MIÉRCOLES 4 DE MAYU

13:00 hores: Xunta Xeneral del Principáu d’Asturies (Uviéu)

• Llectura pública institucional de testos n’asturianu nel Salón Europa.

20:00 hores: Nuevu Teatru de La Felguera (Llangréu)

• Conciertu: 13 x Mánfer. Con Alfredo González, Felpeyu, Her­manos Valle Roso, Mario Fueyo (Dark la eMe), Renacencia, Toli Morilla, Xera, Silvino Torre y alumnáu y docentes del IES Cuenca del Nalón.

XUEVES 5 DE MAYU

13:00 hores: Casa de los Alberti (Ciañu, Llangréu)

• Presentación de la edición conmemorativa Mánfer de la Llera, de la rampla a la pluma, volume ilustráu al rodiu del escritor y la so época.

• Presentación del llibru En cata de la mio lluna. Antoloxía llite­raria, de Mánfer de la Llera.

20:00 hores: Casa la Cultura de Sama (Llangréu)

• Asturianada y monologuismu: conciertu n’alcordanza de Mán­fer de la Llera. Con José Manuel Reguero (El Maestru), Valentín Fuente, Juan Pablo Santos, Manolo Collado, Bibiana Sánchez y Carlos Ronderos.

20:00 hores: Capiella de los Dolores (Grau)

• Recital poéticu n’homenaxe a Mánfer de la Llera. Cola parti­cipación de los poetes Xuan Xosé Sánchez Vicente, Xuan Bello y Ana Vanessa Gutiérrez.

(En collaboración cola Fundación Aula de les Metáfores)

VIENRES 6 DE MAYU

Día de les Lletres Asturianes

11:00 hores: Barriu de La Llera, Sama (Llangréu)

• Descubrimientu d’una placa dedicada al escritor, na cai Mánfer de la Llera.

12:00 hores: IES Cuenca del Nalón (La Felguera, Llangréu)

• Actu escolar de celebración de la Selmana de les Lletres As­turianes:

• Entrega de premios del «XVI Concursu de Poesía y Di­buxu» y del «VIII Concursu de Cartelismu».

• Actuación del grupu Duerna.

SÁBADU 7 DE MAYU

14:00 hores: Radio del Principáu d’Asturies (RPA)

• «Mánfer de la Llera, una ponte al Surdimientu». Emisión es­pecial del programa Nomes d’Asturies.

DÍA DEL LLIBRU ASTURIANU

VIENRES, 6 DE MAYU

(En collaboración coles llibreríes, editoriales y distribuidores)

Un 10 % de descuentu na compra de llibros n’asturianu y regalu del llibru Mánfer de la Llera, de la rampla a la pluma nes llibre­ríes participantes (hasta escosar la edición).

Llibreríes y tiendes participantes:

UVIÉU: Llibrería Aldebarán / Llibrería Antares / Llibrería Bertrand / Llibrería Cervantes / El Corte Inglés / Llibrería Diocesana / Llibrería Garluc / Llibrería Maribel / Llibrería Ojanguren / Llibrería La Palma / Llibrería Paraxuga / Llibrería Polledo / Lli­brería Puntos / Llibrería Reconquista / Llibrería Santa Teresa / Llibrería II Milenio / Llibrería Servitec

XIXÓN: Llibrería Bardos / Llibrería Casa del Libro / Llibrería Central / Llibrería Cornión / El Corte Inglés / Llibrería English Book Shop / Llibrería Hernández / Llibrería Paradiso / Piraña Family Producciones / Llibrería Roy / Llibrería Zifar

AVILÉS: Llibrería Alani / Llibrería Azucel / Llibrería Casona / Llibrería Clarín / El Corte Inglés / Llibrería Víctor Núñez / Llibrería La Vieja Atalaya / Tienda Elepé Productions

MIERES: Disco 55 / Llibrería Mercantil / Llibrería La Pilarica / Llibrería La Torre

CANGAS DEL NARCEA: Llibrería Treito

CANGUES D’ONÍS: Llibrería Imagen

CORVERA: Llibrería Mario (Cancienes)

L’ENTREGU: Llibrería Sol

L’INFIESTU: Llibrería Rima

LLANES: Llibrería Clarín

LLANGRÉU: Llibrería A. Pantiga (Ciañu)

LLAVIANA: Llibrería Arvín

L.LUARCA: Llibrería Helas

LES ARRIONDES: Llibrería Gestión

NAVA: Muséu de la Sidra

SIERO: Llibrería Eroski (Parque Principáu-Paredes) / Llibrería Naredo (La Pola Siero) / FNAC (Parque Principáu-Paredes) / Llibrería San Vicente (La Pola Siero)

2ª ROMERÍA DE PRIMAVERA EN CIAÑU

Domingu 1 de Mayu de 2011

11:00h - Diana floriada con gaita y tambor, desfile de Xigantes y Cabezudos y disparu de morteros.

12:00h - Misa solemne na Ilesia de Ciañu con música tradicional.

12:30h.- Taller de baille a los sueltu nos xardinos del parque Rosario Felgueroso de Ciañu.

12:30h.- Xuegos Tradicionales pa neños y neñes nos xardinos del parque Rosario Felgueroso de Ciañu.

12:45h.- Repartu de llambionaes ente los y les participantes nos xuegos y talleres.

12:50h- Sesión Vermú nel parque Rosario Felgueroso de Ciañu amenizada polos alumnos y alumnes de la Escuela de Música Tradicional "Llangréu" amás de Carlos Ronderos, Justino González, Xuan Nel Expósito y l’agrupación coral José León Delestal "El Carmen"

13:30h.- Cantando pelos chigres. Entrega llibros de cantares y ronda pelos chigres de Ciañu.

18:00h.- II ROMERIA DE PRIMAVERA amenizada polos alumnos y alumnes de la Escuela de Música Tradicional "Llangreu" y los sos profesores: Anabel Santiago, Chema Fombona, Chus Solis, Hector Braga, Pelayo Fernandez, Pepín de Muñalen y Xose Ramon Navia amás de Carlos Ronderos, Justino González, Xuan Nel Expósito y l’agrupación coral José León Delestal "El Carmen".

Dende les 20h. escenariu llibre y pipa de sidra.

Sidra y Conciertu pola Oficialidá pal fin de selmana

Son delles les propuestes pa disfrutar del prósimu fin de selmana. Y ye que’l sábadu 16 d' abril llega cargáu d’actividaes. Pa entamar el día, en La Felguera podréis tastiar ún de los productos más representativos na cultura asturiana col yá tradicional Festival de la Sidra, qu’esti añu cumple la XV edición y que, como cada añu, celébrarase nel parque Dolores F. Duro, más conocíu como 'Parque vieyu'.

Y pa completar la xornada, dempués de moyar el gargüelu, recomendámosvos garrar el tren, taxi, o autobús y dir pa Xixón, pa nun perdese’l XXIII Conciertu pola Oficialidá, qu’entama a les siete la tarde nel recintu de la Feria Muestres. Subiránse al escenariu dellos artistes del panorma asturianu como son Blima, Toli Morilla, Llangres, La Bandina, Misiva, K-Nalón, La Tarrancha y la Collá Propinde, que sofitarán la oficialidá cola so música. El preciu de les entraes ye d’ocho euros na venta anticipada y de diez, na taquilla.

¡Un día prefeutu! ¡Nun vos lu perdáis!

Vota'l meyor blogue del añu

Dende'l blogue del Grupu Reija, queremos animar a tola xente pa que vote el que-yos paez el meyor blogue del añu 2010. Pa facelo namás teneis qu'entrar en:

http://meyorblogueast.zobyhost.com/

Participar nestes votaciones ye una forma más de da-y puxu y sofitar la cultura asturiana, que aguañu, extiéndese pola rede y llega a toles partes del mundu.


Por otru llaú, si quereis ponevos en contautu col grupu, pa entamar a baillar, collaborar o lo que vos paezca, podeis facelo al traviés d'estes señes:

Agrupación d’Etnografía y Folclor Reija de Llangréu
c/ Pintor Paulino Vicente, 2
33930 – La Felguera
Asturies

Tfn: 985675496 * 676691424 * 620624327
Fax: 985676902

Email: info@reija.as
web: www.reija.as

Finó Tolo d'Asturies 2010

Esti añu la edición de Tolo d'Asturies foi un éxitu total d'asistencia y participación por parte de la xente que se averó poles carpes de la estación d'autobuses y pol Nuevu Teatru de La Felguera. La verdá ye que nes ediciones pasaes hebo xente, pero esti ye con diferencia el añu con más númberu d'asistentes. La fórmula de conciertín tranquilu de vienres nel teatru y día grande de sábadu paez que funciona, xunto cola solera y tradición que va garrando el festival, ensin escaecer que casi tolos años se vieron actuaciones inédites n'Asturies. Préstanos asgaya que la xente disfrute y sofite la fiesta de l'asturianía llangreana.

Alcordavos que podeis ver semeyes de Tolo d'Asturies na gallería Flickr de Reija.

Hasta otru añu.

El conciertu de Mapi Quintana y Espido

Fai un par d'hores que terminó el conciertu que dieron Mapi Quintana y Spido nel nuevu teatru de La Felguera. Foi un d'esos conciertos intimistas que respiguen el peyeyu a más d'ún. Música de calidá, non comercial y de raigañu.

Dos formaciones altamente recomendables que dieron lo meyor de sí na xornada del vienres del festival Tolo d'Asturies. Mañana sábadu, a partir de les 21h. na carpa de la estación d'autobuses vamos poder disfrutar del día grande de Tolo d'Asturies con un conciertu inéditu na programación musical asturiana.


Como siempres, toles semeyes del festival van poder vese en: http://www.flickr.com/photos/reija/

Cartelu Tolo d'Asturies 2010

Ya ta na cai el cartafueyu tipu trípticu y el cartelu oficial de la edición Tolo d'Asturies 2010. Afítase el programa que habíamos anunciao va tiempu, cuando namás queden tres díes pa qu'entame esta folixa cultural d'asturianía. Esti xueves 6 de mayu va ser la inauguración oficial na Casa los Alberti de Ciañu a les 19:30 h., terminando el domingu a les 19:00 h. col homenaxe a la gaita asturiana, presentando un espectáculu inéditu, diseñáu a costa fecha pa Tolo d'Asturies 2010.

Vémonos a partir d'esti xueves en Llangréu pa disfrutar de hores y hores de música tradicional internacional, puestos d'artesanía y gastronomía, feria del llibru y del discu n'asturianu y folixa nes carpes asitiaes na estación d'autobuses de Llangréu. Asistir ye una bona forma de sofitar la cultura d'Asturies y promoviendo que los conceyos nun dexen de programar actividaes como estes.

Programa Tolo d'Asturies10

Ya tenemos el programa oficial de lo que va a ser la edición de Tolo d'Asturies de 2010. Estiañu serán los díes 6, 7 8 y 9 de mayu, en la estación d'autobuses de Llangréu.

PROGRAMACIÓN FERIA CULTURAL

TOLO D’ASTURIES10

Xueves 6 mayu. Casa de los Alberti

• 19:30: Inauguración oficial Tolo d’Asturies10

Presentación cursos d’acurdión

Conciertu:

IGNACIO ALFAYÉ + CYRILLE BROTTO + XUAN NEL EXPÓSITO

Vienres 7 mayu. Nuevu Teatru La Felguera

• 20:30: Conciertu: La muyer tien la voz

ESPIDO + MAPI QUINTANA

Sábadu 8 mayu. Recintu ferial Estación d’autobuses de Llangréu

• 12:00: Apertura Feria artesanía y gastronomía

Apertura III Feria del discu y el llibru n’asturianu

Conciertu:

BANDA GAITES CONCEYU DE LLANGRÉU

• 12:30: Conciertu:

BANDA MÚSICA CONCEYU DE LLANGRÉU

• 13:15: Conciertu:

TINA GUTIÉRREZ

• 21:00: Conciertu

DUERNA

FELPEYU + FRIGG (Espectáculu diseñáu a costa fecha pa Tolo d’Asturies10)

DIXEBRA

IMG

Domingu 9 mayu. Recintu ferial Estación d’autobuses de Llangréu

• 12:30: Conciertu: BANDA GAITES LA SALLE

Conciertu: MARISA VALLE ROSO

FERNANDO VALLE ROSO

RAÚL DÍAZ GARCÍA

FRANCISCO JOSÉ FERNÁNDEZ FERNÁNDEZ

MARI CELI FERNÁNDEZ PALICIO

• 17:30: Conciertu: JERÓNIMO GRANDA

• 19:00: Conciertu: HOMENAXE A LA GAITA (Espectáculu diseñáu a costa fechapa Tolo d’Asturies10)

Coordina: Xuan Nel Expósito.

Participen: Ramón García Morán (teclaos), Rubén Álvarez (guitarra), Horacio García (baxu y contrabaxu), Chus Castro (batería), Andrés Fernández (gaita), Pablo Carrera (gaita), Chus Solís (gaita), Dani García Argüelles (gaita), Nacho Cuetos (gaita), Adrián Muñiz (gaita) y Andrea F. Joglar (gaita).

Vamos al II Sidra&Blogues

Queden pocos díes pa que tenga llugar esta xuntanza de blogueros nel conceyu Llangréu. Esti sábadu de magar les 17 hores, tolos blogueros y blogueres qu'escriben n'asturianu tienen una cita na casa los alberti de Ciañu. Pa más información pinchar equí.

Entamu del cursu na escuela de música tradicional de Reija

Esta escuela entamó nel añu 1995 al dase cuenta dellos componentes del Grupu Reija , que nel entornu de la agrupación y nel ambiente que se movien había una necesidá de transmitir enseñances sobre instrumentos tradicionales y sobre too no relativo a pareyes de gaita y tambor que supieran tocar pa grupos.

La escuela, nel so entamu, daba clas de curdión, gaita y tambor. Llueu añadióse pandereta, panderu cuadrau, baille, llinguaxe musical y cultura tradicional. Les clases impártense nes aules del Colexu Públicu "Eulalia Álvarez Lorenzo" que ta situau na Plaza Merediz de La Felguera, ente la Ilesia y la Biblioteca, mesmamente enfrente l'ambulatoriu. El Fechu de que les clases seyan nes instalaciones d'un colexu favorez que'l escolin tea una atención personalizada al disponer d'un aula pa él solu. Una de les ventaxes de la escuela de música tradicional "Reija" de Llangréu ye que la propia escuela facilita l'instrumentu y el material didácticu. D'esta manera, l'escolín nun tendrá que facer un desembolsu importante de perres hasta que él lo decida, en casu de que siga afondando nel so aprendizaxe. Nun hai edá concreta pa entamar, nin por mozu nin por vieyu. La escuela adaptaráse a les posibilidaes del alumnu. Dempués del aprendizaxe individual del instrumentu, ponse en comuña lo aprendío con otros alumnos na modalidá de conxuntos musicales (pareya, bandina, etc.).

Anguañu cunta col so aula itinerante que permite a la mesma ufiertar el so programa a asociaciones y otres entidaes.

Pa más información pue pasase pol Colexu Eulalia Álvarez Lorenzo de La Felguera los martes o los xueves de ochobre a xunu a partir de les 18 hores o bien llamar a los númberos de teléfonu: 985 67 54 96 - 676 69 14 24 o al corréu elletrónicu info@reija.as

Esti añu entama el cursu de la escuela de música tradicional del Grupu Reija, nel mes d'ochobre. Nesti nuevu cursu ufiertense les asignatures de Tambor tradicional, Curdión Diatónicu, Baille Tradicional, Panderu y Pandereta, Folklore y Tradición y Llinguaxe Musical. Los díes de les clases son los llunes y miercoles pa gaita,tambor y pandereta y los vienres p'acurdión.

Reija na Feria Muestres 2009

Gran parte de la exposición permanente que'l Grupu Reija tien na Casa los Alberti de Ciañu, pue vese nestos díes na Feria Internacional de Muestres d'Asturies.

Esti añu, y hasta que termine la Feria Muestres, dellos paneles, y material en xeneral de la exposición de Ciañu tará a la vista'l publicu nel stand del Conceyu Llangréu que tien nel recintu de la feria. Hasta agora dellos cientos de persones pasaron pol stand del Ayuntamientu de Llangréu, visitando la exposición montada por el Grupu Reija, y el númberu de visitantes, va siguir aumentando hasta'l final de la Feria. La xente que hasta agora vió la exposición, tanto na Casa los Alberti como na Feria Muestres, ta faciendo una valoración perpositiva, tanto del material que ta a la vista como de la so presentación.

La semeya ye cortesía d'Elena Alonso.

Reija nel Beltaine Intercéltico

Cola llegada del branu amontónense les actuaciones y salides, igual que tolos años. Güei mesmo, domingu 12 de xunetu, el Grupu Reija acaba d'actuar en La Mudrera, nel conceyu Llangréu, como ya ye vezu dende fai años. El próximu sábadu 18 a les 19:00 hores el Grupu va actuar nel nuevu Festival Intercelticu d'Avilés nomáu Beltaine Intercéltico.

Tola información sobre esti eventu pue atopase na so web oficial http://www.beltaine.es/ onde pué consultase tola programació y actividaes que van tener llugar (esposiciones, alderiques, un congresu de periodismu y cultura tradicional, etc.).

Exposición na Casa los Alberti de Ciañu

Dende fai dellos díes ya pue ser visitada la exposición d'indumentaría y etnografía asturiana que'l Grupu Reija tien montada na recientemente inauguarada Casa los Alberti de Ciañu.

La Casa los Alberti, también conocía como Casa de los García Bernardo, data del sieglu XVIII. Tien planta rectangular, dos pisos, paredes en piedra y mampostería, cubierta a cuatro agües y escudu na la fachada. El Ayuntamientu de Llangréu iguó esta edificación con destín a un equipamientu cultural p'atender les necesidaes de la zona, y muy específicamente les referíes a Llingua y Cultura Asturiana.

Na planta baxo cubierta, el Grupu Reija, col sofitu del Ayuntamientu Llangréu y Cajastur, entamó una exposición permanente sobre la indumentaria tradicional asturiana a lo llargo la so hestoria y amás, creóse un aula pedagóxica e interactiva sobre les costumes asturianes, especialmente habilitada pa neños y neñes con posibilidá de facer actividaes infantiles y una zona interactiva con paneles informatizaos informativos.

Dende'l Grupu Reija punsimos especial ilusión y procuru en tolo que cinca a esti proyeutu y esperamos que seya d'interés a tola xente que se quiera averar a echar un güeyu. La entrada ye de baldre, esperemos que vos presta la mitá de lo que nos prestó a nós entamalo.

V Mercáu de Tolivia 09

Llega la edición del 2009 del Mercáu de Tolivia los próximos díes 30 y 31 de mayu. Dende'l primer añu que se fizo, el Grupu Reija vien participando activamente al traviés d'actuaciones, amueses y delles collaboraciones cola xente qu'entama esti prestosu mercáu tolos años. La rellación del Grupu Reija cola xente de Tolivia ya vien de dellos años, al entamar un cursu de baille tradicional pa los vecinos del pueblu, el cual foi correspondíu con collaboraciones en delles actuaciones del nuesu grupu. Esti añu, como nun podía ser d'otra forma, el Grupu Reija tamién actuará nel V Mercáu de Tolivia. Equí podeis ver el programa:

SABADU 30 :

16:00 Entamu del mercáu de Tolivia cola presencia'l Alcalde.

17:00 IV alcuentros na caleya. Al rodiu la vestimenta y espocición de traxes y madreñes.

17:30 Baille tradicional asturianu.

18:30 Teatru a cargu del grupu el Ñeru los Coríos.

22:30 piesllu de la xornada cola actuación de los Piroduendes, (espectaculu de fuevu).

DOMINGU 31 :

12:00 entamu del día col son de la gaita y el tambor.

13:30 Teatru pel pueblu col Ñeru los Coríos.

18:00 Canción asturiana con: Anabel Santiago, Mariluz Cristóbal, Jeremias Cuello, Bibiana Sánchez y el gaiteru Hugo Noval.

19:00 Teatru col Ñeru los Coríos.

21:00 Pieslle del mercáu cola Bandina "Nun yes tú".

Amás, durante los dos díes van animar el mercáu Hector Braga, colos sos instrumentos, romances, cancios, etc.. La Bandina "Nun yes tú" (la Bandina más prestosa), y delles coses pa los más neños de la casa, paséos n'asturcón, talleres de cerámica, dibuxu, xuegos tradicionales, etc.

Va disponese d'un Alcotan pa subir de baldre dende La Pola Llaviana a Tolivia.

Puntu final a Tolo d'Asturies 09

Pasó'l fin de selmana y terminaron les actividaes de la tercera amuesa cultural Tolo d'Asturies 2009. L'Ayuntamientu Llangréu xunto cola conseyería de cultura y turismu, la collaboración de Cajastur y El Rincón de Eladio y la organización de L'Agrupación d'Etnografía y folclor Reija de Llangréu, ficiéron un gran esfuerzu pa llevar alantre esti proyeutu que pon enriba la mesa un cartel como hai pocos na programación cultural d'Asturies. Dende'l Grupu Reija prestábanos dar les gracies a tola xente que fizo posible que Tolo d'Asturies 2009 fuera una rialidá y sobre manera a tola xente que se averó poles carpes de la estación d'autobuses de Llangréu, sofitando esta iniciativa y dando-y sentíu. La edición del 2009 ya ye hestoria, esperamos que nel 2010, tolos llangreanos se sientan orgullosos d'esta folixa que ye d'ellos, asina como de tola xente que-y presta la cultura asturiana y la cultura en xeneral, seyan d'onde seyan, y que Tolo d'Asturies se convierta nuna cita ineludible, a l'altor de la folixa de mieres o l'Ascensión d'Uviéu.

Munches gracies a toos y toes.

La semeya, ye del espectáculu Xideces, de la Banga Gaites Llacín, de Llanes.

El Cursu de Curdión Diatónicu

Güei fina'l cursu de curdión diatónicu que se vien cellebrando durante estos tres díes de Tolo d'Asturies, na casa los Alberti de Ciañu. Escolinos de la escuela de música tradicional Reija de Llangréu y de otres munches escueles repartíes pola xeografía asturiana, diéronse cita, pa facer un cursu intensivu alrodiu d'esti prestosu instrumentu. El fechu de cuntar con profesores del altor de Filippo Gambeta, el aragonés Ignacio Alfayé o l'asturianu Xuán Nel Expósito, foi un aliciente más pa que la inscripción fuera un exitu rotundu cuntando con alumnos de dellos conceyos asturianos, que nun dexaron pasar la cita de Ciañu.

Estes son dalgunes de les semeyes que pudimos facer el vienres. Nos próximos díes pondremos más semeyes de lo que foi esta tercera edición de Tolo d'asturies que güei llega'l so fín con dellos conciertos, a partir de les 18:00, na carpa de la estación d'autobuses de Llangréu.

Actu d'entamu de Tolo d'Asturies

Esta tarde inaugurose la Casa lo Alberti de Ciañu, y de magar les siete la tarde fízose l'actu d'entamu del 3º Festival Tolo d'Asturies 2009. Amás de desplicar el programa y los estremaos oxetivos, hebo un conciertu d'escolinos de la escuela de música tradicional del Grupu Reija y de los tres mayestros curdioneros que van dar los cursos qu'entamen mañana pola mañana, na mesma casa los Alberti que ta asitiada nel parque de Ciañu. El primeru d'ellos foi l'aragonés Ignacio Alfayé, que tocó pieces tradicionales, populares y de composición propia.

La nota internacional púsola el virtuosu de la curdión, Filippo Gambeta que vamos poder ver nos conciertos de Tolo d'Asturies col so grupu Il Liguriani. Tou un espectáculu, el sentir tan de cerca, los ritmos de la fastera italiana de Xénova, na curdión d'esti músicu.
El filu conductor llevolu Xuan Nel Expósito, profesor de la escuela de música tradicional del Grupu Reija de Llangréu y collaborador no que cinca a la esbilla del programa de Tolo d'Asturies. A partir de mañana pola mañana, entamen los cursos con estos tres mayestros de luxu.

Sienra, Mercáu tradicional del valle del nalón

PROGRAMA

VIENRES 08 DE MAYU

DÍA DE LOS ESCOLINOS
A les 10:00, estruendu de volaores anunciará el entamu del V MERCÁU TRADICIONAL VALLE’L NALÒN. Inauguración coles autoridades del Ayto. de Samartín del Rei Aurelio. Que van dar pasu a distintos personaxes de la dómina interpretaos po’l grupu teatru’l “REFAXU” y el grupu teatro “LA CASCAYA”.
A les 11:00, actuación de títeres, magos, malabaristes que se encargarán de recibir a los escolinos de toa asturies que vienen de visita.
De 12:00 a 14:00 y de 17:00 a 20:00 xuegos pa neños ( rana , aros, boliches, chapes, zancos, llave…)
A partir de les 17:00 la bandina “LOS DEL ORICIU FRESCU” van acompañanos no que queda de día colos sos sones.
A les 17:00 actuación de malabares cola Cia. DE CIRCO “EL ÑERU LOS CORÍOS” y el mago “MARIO LARREA”.
A les 19:00 actuación del grupo folcloricu Blimea na so sección infantil en cualquier rincón de Sienra, darréu fadrán la so actuación los mayores del “GRUPU FOLCLÓRICU
BLIMEA”.
A les 20:00 cantares nel chigre del mercau a cargu del coru “ SAN ANDRÉS” de L’entregu.
A eso del escurecer, nueche máxica onde van visitanos los personaxes de la mitoloxía asturiana ( paparrosoya, cuélebre, nuberu, trasgos, xanes…)
Pa finar el día, na plaza del pueblu vamos echar unos bailes amenizaos pola bandina.
“LOS DEL ORICIU FRESCU”.

SÁBADU 09 DE MAYU

DÍA PA MERCAR
A les 12:00 apertura del mercáu con estruendu de volaores y el son de la gaita y el tambor.
A lo llargo del día vamos poder ver muestres d‘oficios en vivo en los puestos del mercau, y ver tratos de ganao, y dalgunes ocurrencies intepretaes polos grupos de teatru’l “REFAXU” y “LA CASCAYA”, los dos de Blimea.

A partir de les 12:30 vamos sentir los sones de la bandina “LOS DEL ORICIU FRESCU” per tolos rincones del mercau, acompañándonos hasta finar el día.
A les 13:00 cantares de les PANDERETERES DE XIXÓN nel llar.
A les 18:00 los neños del “GRUPU FOLCLÓRICU BLIMEA” van a invitamos a xugar, baillar y canciar con ellos.
A les 18:00 toparemos per cualesquIer rincón del mercau a les “PANDERETERES DE XIXÓN”.
A partir del les 20:00 nel chigre del mercáu cantares de chigre a cargu del coru “SAMARTÍN” de sotrondio.
A les 19:00 los malabares de la CIA DE CIRCO “ EL ÑERU LOS CORÍOS” y el mago “MARIO
LARREA” van a entretenemos coles sos mañes.

Al escurecer un estruendu de volaores de luz, collor y soníu van a despertar a tolos seres mitolóxicos que nos visiten nel mercáu. Dempués del fueu vamos poder baillar y canciar cola bandina, nel chigre’l mercáu.

DOMINGU 10 DE MAYU

ROMERIA N’HONOR DE LA VIRXE DE LOS DESAMPARAOS DE SIENRA.
A les 11:00 la alborá de la gaita y el tambor anunciará el entamu del día y, comu tolos díes, los personaxes de los grupos de teatru EL REFAXU Y LA CASCAYA, van facenos pasar un bon día.
A les 12:30 salida de la procesión n’honor de la virxe los desamparaos dende ‘l Miramar, acompañá pola gaita y el tambor y los cantares del ramu a la patrona de la fiesta.
A les 13:00 misa na capilla sienra
Al finar la misa puya’l ramu y darréu baille a lo suelto na plaza’l pueblu. Amenizáu pol Grupu folclóricu Blimea.
A les 17:00 representación d’una obra teatru costumista a cargu del grupu teatro ‘EL REFAXU.
n’acabando’l teatro pasacalles de la Bandina’l grupu folclóricu blimea, hasta finar el mercáu.

El textu fízonoslu llegar xente del grupu folklóricu Blimea.

Más info en http://www.gfblimea.blogspot.com/

Programa Oficial Tolo d'Asturies 2009

Xueves 14 mayu

19:00 hores Presentación oficial III Muestra Cultural Tolo d’Asturies
Conciertu Ignacio Alfayate + Filippo Gambeta + Xuan Nel Expósito + Alumnos Escuela Acurdión de la Escuela de Música Tradicional Reija de Llangréu
Inauguración Esposición Acurdión Tradicional
Inauguración cursos acurdión diatónicu de la Escuela de Música Tradicional Reija de Llangréu (Nivel mediu y superior)

(Centru la Cultura y la Llingua Asturiana Casa los Alberti, Ciañu).

Vienres 15 mayu

22:00 hores Conciertu

I LIGURIANI (Italia) + *LOS CIQUITRINOS + *LOS GATOS DEL FORNU

*(FACIENDO L’INDIO NA CAI, espectáculu presentación de los dicos Faciendo l’Indio-Los Ciquitrinos- y Na Cai- Los Gatos del Fornu)

Sábadu 16 mayu

12:00 hores Apertura Oficial Muestra Cultural TOLO D’ASTURIES
12:00 hores Banda Gaites Conceyu Llangréu
13:00 hores Conciertu HERMANOS VALLE ROSO

22:00 hores Conciertu

**XIDECES (BANDA GAITES LLACÍN + ARTISTES CONVIDAOS) + DAVID MUNNELLY BAND (Irlanda) + HERBAMORA

** (Más de 100 músicos nel escenariu, espectáculu qu’inclúi un pasucais previu dende El Parque Vieyu La Felguera hasta la Estación Central d’Autobuses de Llangréu)



Tol día: Mercáu tradicional d’artesanía y gastronomía
Feria del discu y el llibru n’asturianu
Folixa y baille pa toes/os con bandines tradicionales
Animación con grupos de baille y música tradicional
Talleres pa neñes y neños (animación, xuegos y deportes tradicionales, artesanía…)

Domingu 17 mayu

12:30 hores Conciertu Banda Música de Llangréu
13:30 hores Toná
18:00 hores Conciertu HÉCTOR BRAGA
19:00 hores Carta blanca a Tomás Zapico (Presentación del so discu y reinterpretación d’una escoyeta de temes del repertoriu d’esti músicu de La Güeria Urbiés a cargu d’acurdionistes modernos del altor de Marga Lorences, Nel Ordóñez, David Varela, Jose Manuel Tejedor y Marcos Alonso). Homenaxe a la tradición del acurdión, cola dirección de Xuan Nel Expósito y la collaboración y presentación de Xosé Antón Fernández “Ambás”

Tol día: Mercáu tradicional d’artesanía y gastronomía
Feria del discu y el llibru n’asturianu
Folixa y baille pa toes/os con bandines tradicionales
Animación con grupos de baille y música tradicional
Talleres pa neñes y neños (animación, xuegos y deportes tradicionales, artesanía…)


20:30 hores Clausura de la “III Muestra Cultural TOLO D’ASTURIES de LLANGRÉU”

VII Alcuentru de pandereta gallega ya asturiana

El sábadu 9 de Mayu va cellebrase el sétimu alcuentru de pandereta gallega ya asturiana nuna convivencia de reonocimientu ente la tradición d'Asturies y Galiza. L'alcuentru será, como ye vezu, nel albergue El Sabil, que ta a la salida de Villanueva en dirección a Quirós, nel Conceyu Santu Adrianu. Contarase cola participación dos grupos de cantu tradicional: -Veña que vai! (O Morrazo-Galiza) y Pandereteres de Nerbia (Asturies).

Más información sobre l'alcuentru.

Tolo d'Asturies III, mayu 2009

Adelantu del programa de Tolo d'Asturies III na so edición 2009.

Esti añu la fiesta d'asturianía va durar cuatro díes, el 14,15,16 y 17 de mayu. Tolo d'asturies consolídase cola so tercer edición con un cartel sin precedente, afitándose como una de les amueses culturales más importantes d'asturies.

XUEVES 14
Inauguración de la exposición de la curdión diatónica a cargu de Jose María López (Musical Dumboa) na Casa los Alberti de Ciañu. Na inauguración actuarán Filippo Gambetta (Italia), Ignacio Alfayé (Aragón) y Xuán Nel Expósito (Asturies), asina como dellos escolinos de la Escuela de Música Tradicional del Grupu Reija.

VIENRES 15
Entamen los cursos de Curdión Diatónicu colos mayestros Ignacio Alfayé y Filippo Gambetta. Presentación del Llibru "El Acordeón en España hasta 1936" de Javier Ramos.
Pola nuechi les actuaciones entamarán a partir de les 22:00 hores. El vienres van tocar I Liguriani, Gatos del Fornu y los Ciquitrinos presentando'l so espectáculu "Faciendo l'indiu na cai".

SÁBADU 16
El sábadu enantes que llegue la nueche van cantar Los Hermanos Valle Roso. De magar les 22:00 h. será'l turnu de la Banda Gaites Llacín col so espectáculu "Xideces", Herbamora (antigües Dulcamara)y David Munnelly Band.

DOMINGU 17
Caberu día de l'amuesa cultural con delles actuaciones de tonada y l'espectáculu "Carta Blanca a Tomás Zapico" onde dellos curdioneros van facer un homenaxe al desapaecíu curdioneru de la Güeria d'Urbiés con formaciones de tríos y duos.

Amás de too esto habrá delles actuaciones y actividaes más entá por confirmar.

XXX Semana del Folklore Astur

El mes d'abril va ser otra vuelta l'escenariu onde se desendolque la XXX Selmana del Folklore Astur qu'organiza'l Grupu Folklóricu y de Investigación El Ventolín y qu'esti añu va cincar a "El baile n'Asturies". Les actividaes d'esta XXX Semana del Folklore Astur entamará'l lunes 6 d'Abril a les 20 hores cuando se presente nel Club de Prensa de La Nueva España la programacion de la selmana.

El llunes 13 d'Abril a les 20 hores na Casa Municipal de Cultura fadráse l'apertura oficial cola entrega de medalles de plata y un conciertu de curdión a cargu de Xuan Nel Expósito. La programación de la Selmana inclúi tres esposiciones pa la selmana del Folclore astur.

El miércoles 15 d'Abril a les 20 hores na Casa Municipal de Cultura celebrarase una conferencia sobre'l tema “El baile n’Asturies” a cargu de Fernando Manuel de la Puente Hevia.

Y el xueves 16 de Abril, a les 20,30 hores representarase na Casa Municipal de Cultura una escenificación de teatru costumista asturianu a cargu del Grupu de teatru de Carbayín cola obra “Ello yera una vez……”.

Pa finar la selmana, el sábadu 18 d'Abril a les 20 hores na Casa Municipal de Cultura celebrarase'l tradicional Festival Folclóricu Nacional colos grupos Vezos Astures, Centro Asturiano de Madrid, profesores de la escuela de música tradicional del ventolin y el G.F.I. El Ventolín.

El textu la noticia ta sacáu de http://www.asturnews.com/

Más información en http://www.elventolin.com/